L'organisaziun «Anavant Surses» pretenda indrizs da far naiv per il territori da Radons. A la radunanza generala vulan commembers e commembras ch'i vegnan preschentà plans per quai da las pendicularas e la vischnanca.
Custs da passà 20 milliuns francs
Ennavar l'intschess da Radons saja adina puspè stà in tema, di il president communal Leo Thomann. Per gliez dovrassi dentant dapli giasts, damai ch'ils custs d'investiziun giajan vers 20 milliuns francs. In'autra giada èsi schizunt vegnì tschantschà da 25 fin 35 milliuns francs .
Per ennavar duvrassi ina lingia d'electricitad da Tinizong a Radons, ed er il basegn d'electricitad creschiss. Plinavant ha Leo Jeker menziunà ch'i saja pli cumplitgà da survegnir las lubientschas. Il pli impurtant saja che la pista fin giu la val saja ennavada.
