Atgnamain aveva il chantun decis ch'ils territoris da skis restan anc averts sur la fin d'emna e ston serrar glindesdi ils 16 da mars . Il Cussegl federal perencunter ha ordinà venderdi suentermezdi ch'i duai valair per territoris da skis la medema regla sco per arranschaments: Betg dapli che 100 persunas.
Quai muntia facticamain ch'ins stoppia serrar ils territoris, communitgescha il chantun Grischun la saira. Perquai haja il stab directiv decis ch'ils territoris da skis e las pendicularas vegnan serradas per immediat.
Il chantun deplorescha questa malsegirtad. Quai saja la consequenza ch'il chantun haja infurmà il medem temp il suentermezdi sco la Confederaziun.