Ils ospitals grischuns vegnan adina pli fitg sut squitsch finanzial pervia dal stop d'operaziuns che la Confederaziun ha decis. L'Ospital chantunal a Cuira per exempel sto prender si ils proxims dis in credit da 20 milliuns francs, perquai ch'el na vegn betg d'occupar ses letgs. Quai rapporta la gasetta Südostschweiz.
L'ospital aveva gia annunzià lavur curta per pliras partiziuns. Il medem vala era per l'ospital regiunal da l'Engiadin'Ota.
En stretgas finanzialas pudessan er vegnir ils ospitals a Tusaun e Tavau, sco quai ch'els han confermà. Il chantun è il mument vid chattar ina schliaziun per dar sustegn.