En il chantun Grischun èn ils omeopats renconuschids sco persunas spezialisadas dal sectur da sanadad e dastgan perquai tegnair avert lur praticas per cas urgents. Ils omeopats han il mument dentant il medem problem sco ils medis da chasa, numnadamain ch'ils pazients na vegnan betg en las praticas.
audio
Coronavirus: Praticas dad omeopats èn avertas, ma vidas
ord Actualitad dals 02.04.2020.
laschar ir. Durada: 2 minutas 8 Secundas.
Il problem è la tema
Remartgabel è tenor Beatrice Soldat, la pledadra da medias da la Societad dad omeopats Svizra, che la malsogna Covid-19 n'è il mument betg il motiv principal per ch'insatgi consulteschan il mument ina pratica omeopatica. Bler pli savens han ils motivs da far cun situaziuns persunalas sco la tema da l'avegnir, ils conflicts a chasa u la tema da perder la plazza da lavur ed uschia vegnir en stretgas finanzialas.