Il davos temp saja vegnì fitg bler muviment en la branscha da logistica e transport constatescha Urs Schädler il possessur da la firma da Fischer cun sedia a Vaz Sut. Ils clients pretenden per part schizunt ina soluziun cun camiuns electrics – uschia sappian ils spediturs ed ils clients migliurar la bilantscha da CO2. Per sia firma, ch'ha dapi l'onn nov sis da 50 camiuns electrics en la flotta saja quai pir l'entschatta. La finamira saja d'avair in terz da tut ils camiuns cun in motor electric.
Er sfidas
Naturalmain saja tut er collià cun sfidas resumescha Schädler. Uschia haja la rait per chargiar svelt in camiun anc grond potenzial – ma er quà ins saja sin buna via. Il medem mument è el persvas che la midada pretenda soluziuns cuminaivlas, per exempel soluziuns da parcs da chargiar privat che duessen er savair vegnir duvrads da tuts. I saja en mintga cass in temp interessant per la branscha e la e-mobilitad en la branscha da logistica e transport ina tematica ch'occupa. I saja dentant er cler che camiuns da diesel vegnan betg a svanir.
Or da l'archiv: