La Frantscha vul er che persunas che gudognan damain pon sa prestar autos electrics. Quai sco part dad in grond plan per la protecziun dal clima. Il president Emmanuel Macron ha annunzià il glindesdi saira ses plan. Gia a partir da l'auter onn duai dar ina purschida da leasing da 100 francs al mais per models dad autos electrics. Persunas cun paucas entradas duessan pudair profitar da questa purschida.
La purschida duai sa restrenscher sin autos che vegnan producids en l'Europa. Sco Macron ha ditg, duai il dumber dad autos electrics che vegnan producids mintg'onn en Frantscha crescher sin in milliun fin il 2027. Er il traffic da tren vul Macron promover, el planisescha raits da trens regiunals rapids en pliras aglomeraziuns franzosas.