Sviluppar l'integraziun chantunala cun agid da la populaziun. Quai è stà l'idea dad in lavuratori a Cuira, avert per tuttas persunas or da la populaziun che s'interesseschan.
L’atun ha la regenza deliberà in credit d’obligaziun ed ussa han ils chantuns temp enfin ils 30 d’avrigl d’elavurar il KIP3, in program d’integraziun chantunal che vala dal 2024-27.
Per l’emprima giada vegn il program definì cun agid da la populaziun, che ha gì la pussaivladad d’inoltrar ideas concretas ed annunzias enfin ils 15 da december.
L’integraziun capita en il mintgadi, igl è evident da definir nossas directivas sco chantun ensemen cun la populaziun.
Il process participativ saja in experiment, pervia da quai n’haja ins betg gì aspectativas concretas. Tant pli surprais èn las organisaturas ed ils organisaturs stads da las passa 100 annunzias.
Partecipantas e partecipants amez il process
-
Bild 1 von 4Legenda: I vegn discutà e concretisà ideas en gruppas RTR/Elias Tsoutsaios -
Bild 2 von 4Legenda: Mintga gruppa cumpiglia 6 enfin 7 persunas RTR/Elias Tsoutsaios
-
Bild 3 von 4Legenda: Sper fasas da discussiun datti er ina ponderaziun individuala RTR/Elias Tsoutsaios
-
Bild 4 von 4Legenda: La manadra dal lavuratori Anja Wyden Guelpa RTR/Elias Tsoutsaios
L’experta maina urden en il lavuratori
Cun agid dad Anja Wyden Guelpa han ins pudì structurar il lavuratori a Cuira, che ha tar l’emprima giada gia gì radund 50 participantas. La docenta dad innovaziun e da pensar ha manà l’emprim lavuratori ed ha implementà in sistem da post-its, flip charts e notizias ch'ha gidà als participants da formular, discutar e cristallisar ils basegns en connex cun l’integraziun.
Igl è impurtant da ramassar ideas a moda vasta e collaborativa empè d’ina concurrenza d’ideas.
Impiegadas d’organisaziuns d’affar, interessads sco era persunas pertutgadas èn arrivadas ed han durant in lavurdi elavurà en gruppas da 6-7 persunas differents giavischs concrets. Giavischs sco l’integraziun cumplaina, individuala ed effizienta, l’optimisaziun dal diever da finanzas e da l’integraziun en la lavur sco era infurmaziuns pli concretas en connex cun furmaziun e la renconuschientscha da quella èn vegnids formulads.
Suenter trais lavuratoris van las ideas en consultaziun e vegnan lura finalisadas da las participantas e dals participants. Il post d’integraziun chantunal decida tgenins che arrivan en il program definitiv. Quel va tar la cumissiun chantunala d’integraziun e sto lura vegnir approvà da la regenza avant ch’el vegn inoltrà tar la Confederaziun.