Gia durant ils davos mais ha il chantun stgaffì radund 1'000 ulteriurs alloschis per fugitivas e fugitivs. Uss datti ulteriurs pass. Senza ulteriuras mesiras na datti betg avunda alloschis per persunas ch'èn sin la fugia pli. Quai ha la chanzlia statala dal chantun communitgà.
Stadi d'urgenza simplifitgescha il prozess
Il 2021 èn cnap 600 persunas vegnidas sco persunas en fugia en l'Argovia. 2022 èn quai stadas 7'700, da quai 4'500 or da l'Ucraina. Actualmain hajan ins anc 650 plazzas da reserva, cun far diever dals implants da protecziun civila ad Aarau, Birmensdorf e Lenzburg vegnian anc ina giada vitiers 560 plazzas, scriva la regenza en ina communicaziun il venderdi.
Cun proclamar il stadi d'urgenza èsi pli simpel per il chantun da midar il diever da bajetgs per persunas ch'èn sin fugia. Ella sa plinavant sfurzar las vischnancas da metter a disposiziun bajetgs.
Servetsch civil en acziun
Per dumagnar il aut dumber da fugitivs en Svizra èn sper commembers da l'armada e la protecziun civila dapi l'entschatta da l'onn adina dapli persunas che fan servetsch civil che gidan. Bunamain 140 da quels gidan en centers d'asil, sco per exempel en las cuschinas.
Per pudair occupar questas plazzas vegnan per l'emprima giada distribuids persunas che fan servetsch civil. Ellas na pon pia betg prestar lur servetsch civil al lieu da lur tscherna.Ils chantuns tgiran actualmain pli che 90'000 requirents d'asil. Quai èn tants sco anc mai.
