Ils hotels grischuns han gì l'avust 7,6% damain pernottaziuns cumpareglià cun l'avust da l'onn passà. Pers ha l'hotellaria grischuna cunzunt tar la clientella impurtanta or da la Svizra sezza cun in minus da 10%, e tar ils Tudestgs cun in minus da 15%. Quai annunzia l'Uffizi per economia e turissem dal Grischun. Las regiuns grischunas ch'han pers il pli fitg, cumpareglià cun l'avust 2022 èn Lai, Arosa e Mustér/Sedrun.
En l'entira Svizra ha l'hotellaria nudà l'avust in plus da pernottaziuns, da 2,4% cumpareglià cun l'avust 2022. Surtut Turitg (7,3%) e Genevra (16,5%) han nudà marcantamain dapli pernottaziuns.
