L'hotellaria en il Grischun ha nudà il fanadur 617'005 pernottaziuns – in minus da 5,6% cumpareglià cun il medem mais da l’onn passà. Quai scriva l’Uffizi per economia e turissem dal Grischun. Il dumber da giasts svizzers saja sa reducì per 9,6% sin 385'771. Quasi tuttas destinaziuns turisticas han nudà damain giasts. Da las regiuns pli grondas han be Arosa e Tavau Claustra gì dapli giasts.
En l'entira Svizra èn las pernottaziuns percunter s’augmentadas il fanadur per bunamain 5% sin var 4,7 milliuns. Il dumber da giasts da l'exteriur saja s’augmentà per 15% sin 2,5 milliuns.
audio
Per tadlar: las novitads da las 09:00
ord RTR Audio dals 05.09.2023.
laschar ir. Durada: 2 minutas 22 Secundas.
