Per 2,4% èn las pernottaziuns en ils hotels grischuns sa reducidas dal schaner fin il zercladur, sch’ins cumpareglià cun la medema perioda dal 2022. Exact han ins dumbrà 2’779’323 pernottaziuns. Quai resorta da las novas cifras da l’Uffizi per economia e turissem dal Grischun.
Ferm è il digren tar ils giasts svizzers. Tar quels è il dumber da pernottaziuns sa reducì per betg main che 7,2% l’emprim semester da quest onn. Quai èn bunamain 140’000 pernottaziuns damain, en congual cun il 2022.
En l'entira Svizra èn las pernottaziuns creschidas l’emprim mez onn dal 2023 per 13,8% sin passa 19,4 milliuns.