Uss duai il territori da skis Hochwang sin territori d'Arosa tuttina avrir per la proxima stagiun d'enviern. Ina gruppa d'interess a elavurà propostas che cumpiglian il proxim enviern, sco era plirs onns suenter. L'emprim stgalim è da recaltgar sin la fin da quest onn 300'000 francs en furma da donaziuns u cun segnar aczias. Las gasettas da Somedia han rapportà quai.
Vitiers dovria ina squadra cumpletta che mainia l'interpresa ed in concept detaglià. Sche questas trais finamiras na vegnian betg cuntanschidas, saja il nov concept mort scriva la gruppa d'interess en sia communicaziun. Quai fiss era la fin per il territori da skis en il Scanvetg, scriva la gruppa d'interess. Ins stuess schliar la societad d'aczias.
