La stad e l'enviern che vegn stattan ils runals airi. Uschia duain ils custs restar minimals per las pendicularas pitschnas en il Scanvetg. Suenter la stagiun «catastrofala» mancan ils raps, tenor ina communicaziun da medias.
La vischnanca Arosa ed ils trais acziunaris privats principals han anc pajà per evitar in concurs. Dapli na vulan els dentant betg porscher. Uss vali da tschertgar ulteriurs investurs ed investuras. Er il manaschi vul la suprastanza metter en auters mauns. Emprims discurs cun interprendiders dal Scanvetg han cumenzà, per il mument èn quels dentant interruts.
