La regiun Viamala ha fixà sia strategia per il svilup da la regiun. Unanimamain haja la conferenza da las presidentas e presidents da las 19 vischnancas deliberà la strategia, communitgescha la regiun. Questa strategia furma la basa per promover la regiun e vitiers è ella la premissa formala per survegnir daners chantunals e federals.
Ulteriuras decisiuns da la conferenza:
- Ils presidents han approvà il budget per l'onn 2024 sco era il quint annual da la scola da musica Viamala dal 2022/23.
- Il sustegn per la biblioteca regiunala na duai betg daventar incumbensa da la regiun mabain la finanziaziun duai restar chaussa da l'uniun.
- La conferenza dals presidents na vul betg trametter in commember en il cussegl da fundaziun da la Sanadad Grischun Central.
- La responsabladad per examinar in engrondiment dal parc natiral Beverin duai restar tar las vischnancas interessadas.