La nova baselgia duess avair duas auzadas ed esser averta per tut las confessiuns. Quant che la baselgia custa n’è il mument anc betg cler, er betg tgi che finanziescha quella. Peider Ganzoni, il president da la cuminanza d’interess «Baselgia d’autostrada» ha ditg, ch'ins veglia finanziar la baselgia cun agid da sponsurs. Il mument n'hajan ins però anc betg tschertgà tals. Per bajegiar la baselgia dovri anc la lubientscha da l’Uffizi federal da vias, e la vischnanca sto dar terren da bajegiar.
-
Bild 1 von 5Legenda: Ina visualisaziun da la baselgia planisada. Keystone -
Bild 2 von 5Legenda: Peter Buercher, administratur apostolic da l'uvestgieu da Cuira, Cornelia Camichel Bromeis, decana da la Baselgia evangelica dal Grischun e l'rchitect Jacques Herzog durant la conferenza da pressa. Keystone
-
Bild 3 von 5Legenda: Jacques Herzog ha preschentà la mesemna ad Andeer il project d'ina baselgia sper l'autostrada. RTR, Federico Belotti
-
Bild 4 von 5Legenda: Jacques Herzog ha preschentà ad Andeer ils plans per ina baselgia sper l'autostrada. Keystone
-
Bild 5 von 5Legenda: Qua duess la baselgia d'autostrada vegnir construida. mad, Peider Ganzoni
Cura che la radunanza communala decida en chaussa n’è betg anc cler. Sche tut gartegia duessan las lavurs da construcziun entschaiver en circa dus onns. Questa saira vegn la populaziun d’Andeer infurmada davart il project.
Reacziuns positivas da las baselgias
La baselgia catolica e la baselgia refurmada sustegnan la baselgia a l’A13 planisada. Tant l’uvestg da l’uvestgieu da Cuira Peter Bürcher sco era la decana da la baselgia refurmada Cornelia Camichel-Bromeis han ditg, ch’els beneventian la construcziun d’ina nova baselgia.
Finanzialmain na possian las baselgias dentant betg gidar, ideologicamain ins possia dentant cumplainamain sustegnair il project, hai gì num ad ina conferenza per las medias da mesemna.
RTR novitads 17:00