-
Bild 1 von 3Legenda: Quest è il lieu, nua che l'emprima baselgia d'autostrada en la Svizra orientala vegniss ad esser. Google Maps -
Bild 2 von 3Legenda: Il lieu nua che la baselgia vegniss. IG Autobahnkirchen A 13
-
Bild 3 von 3Legenda: La baselgia dasper l'autostrada vegniss tar la sortida ad Andeer. IG Autobahnkirchen A 13
Ad Andeer duai vegnir realisada l’emprima baselgia sper ina autostrada en Svizra Orientala. L’iniziant da la gruppa d’interess è il plevon refurmà Jens Köhre. Peider Ganzoni è il president da la cuminanza d'interess «Baselgia d'autostrada». La baselgia ecumena duai vegnir realisada directamain a l’autostrada. Uschia veglian ins realisar ina purschida che saja en auters pajais gia usit.
En Germania datti 44 baselgias d’autostrada che vegnan tenor statisticas visitadas mintg’onn da bun in milliun visitaders. Mesemna hai dà ina dieta ad Andeer cun differents referents.
audios, halt
Bunas experientschas en Germania
Birgit Krause da la conferenza da baselgias a l’autostrada en Germania ha ditg ch’en Germania hajan ins fatg fitg bunas experientschas cun las baselgias a l’autostrada, ins possia discurrer d’in model da success.
La vischnanca d’Andeer avess in lieu adattà tar la sortida sid d’Andeer nua che la baselgia pudess vegnir construida. Proximamain vegl'ins preschentar l’idea ad ina radunanza communala, e guardar tge che la populaziun manegia, ha ditg il president communal Hans Andrea Fontana, che fa part a la cuminanza d’interess «Baselgia d’autostrada A13».
RR actualitad 07:10