Las tarmentas dimensiuns da la bova a Brinzauls han procurà per emoziuns tar inqual in da Brinzauls tar l'emprima visita en il vitg. Ins haja bain vis da dalunsch u ils maletgs en la televisiun, mo sch'ins saja alura propi stà qua, haja schon fatg gronda impressiun. Avant bun dus mais han ils da Brinzauls pudì turnar en lur chasadas ed en lur mintgadi.
-
Bild 1 von 5Legenda: Ludwig Bonifazi: «Igl ha duvrà in temp fin ch’ins è stà puspè sco en moda veglia – uss essan qua, sche essan cuntents.» RTR -
Bild 2 von 5Legenda: Helene Meier: «Cura ch'jau hai serrà la chasa avant che partir hai pensà, tgi sa sche jau ser per l’ultima giada – igl era sco ina deliberaziun dad ussa puspè pudair metter la clav en la fora e pudair ir en chasa.» RTR
-
Bild 3 von 5Legenda: Franziska Bötschi: «Nus vain pensà sche quel rutsch vegn, insatge n’è betg pli qua – in pèr chasas u la mesadad dal vitg u crappa en las chasas. Ch’i vegnia uschia n’avessan nus betg pensà, quai è stà ina surpraisa.» RTR
-
Bild 4 von 5Legenda: Gianin Bonifazi: «Nus vain gì in grond anghel protectur – nus vain propi gì cletg ch’igl n’è betg schabegià dapli.» RTR
-
Bild 5 von 5Legenda: Lisbeth Arpagaus: «Cura ch’igl ha pluvì è schon vegnì giu dapli crappa – mo jau n’aud per cletg betg pli uschè bain e la notg n’aud jau uschia ni uschia nagut. Jau n’hai nagina tema.» RTR
L'atmosfera en il vitg resentan ils da Brinzauls en moda e maniera differenta. Ils ins han il sentiment ch'il saja daventà pli quiet che avant, ins na vesia betg pli uschè blera glieud sin via. Auters resentan l'atmosfera sco avant la bova. La glieud saja forsa schizunt in pau pli datiers in da l'auter e pli cordiala. Quels e quellas ch'èn turnads as sentan segirs a Brinzauls. Els hajan gì grond cletg ch'i na saja betg capità pli bler e che la bova n'haja destruì nagut.
Brinzauls sa mova dentant anc adina ed sur il vitg ramplunia magari. La gronda speranza dals indigens e geologs è il tunnel da drenascha che vegn actualmain construì a Brinzauls. Cun quel spera ins ch’il vitg da Brinzauls vegnia finalmain a sa fermar.
Or da l'archiv: