Seglias en Tumleastga - L'abitadi per avieuls selvadis è prest finì

Sin ina surfatscha pli gronda ch’ina plazza da ballape, vegn il mument preparà l’areal davos la scola. Nua ch’i deva avant in prà, è ussa da vesair blera crappa, ch’è circumdada da laina morta. Dus chavaterras èn vi d'installar in lajet da 250 meters quadrat, nua che blers amfibis e rustgs vegnan a chattar in dachasa. Per ils avieuls selvadis che fan il gnieu sin il terren, vegn creà in agen abitadi.

20 abitadis da biodiversitad per avieuls selvadis, ha la firma Wildbiene & Partner gia realisà. Quel a Seglias è il pli grond enfin oz. Ils custs: radund 180'000 francs.