Sin Facebook averteschan las pendicularas da Savognin ussa che quai saja fitg privlus. Ins veglia intensivar las controllas e magari schizunt prender davent bigliets sche la serrada da las pistas na vegnia betg tegnida en.
Grond privel pervi da sugas
Sco quai che Romano Pajarola da las Pendicularas Svizras ha ditg sin dumonda fetschia l’uniun lavur da promoziun. Uschia sajan ins en contact cun ustarias en territoris da skis, ed averteschia dals prievels da duvrar pistas serradas. Ed en collavuraziun cun il Club alpin svizzer hajan ins fatg ina tavla ch’infurmescha skiunzs da turas davart il cumportament era sin pistas. Mintgin che giaja ordvart l’avertura da pistas cun skis sin quellas sa mettia en privel da vita, perquai che las sugas da ratracs sajan per part fin in kilometer lungas, e savens ins na vesia ellas er betg bain.
Or da l'archiv:
