Dapi il fanadur 2024 è Sandro Zollinger directur da l'hotel da trais stailas. Avant ha il Svizzer manà durant tschintg onns l’Hotel Bellevue a Tagn/Wiesen, Tavau. Schegea che l'Hotel Jufa marscha bain l'enviern, è la stad anc sitga. Zollinger vul perquai carmalar dapli glieud durant ils mais da stad e d'atun en l’hotel. La stad na marschia anc betg sco giavischà, ha Zollinger ditg sin dumonda.
-
Bild 1 von 5. L'Hotel Jufa ha er ina sauna. Bildquelle: RTR.
-
Bild 2 von 5. L'entrada da l'hotel. Bildquelle: RTR.
-
Bild 3 von 5. L'hotel è vegnì construì da la firma Uffer da Savognin. Bildquelle: RTR.
-
Bild 4 von 5. Sandro Zollinger è dapi il fanadur il nov directur da l'Hotel Jufa. Bildquelle: RTR.
-
Bild 5 von 5. La chasa ch'è en construcziun porscha a partir da l'enviern proxim 12 abitaziuns che pon vegnir reservadas sur l'Hotel Jufa. Bildquelle: RTR.
Actualmain derivia la gronda part dals giasts da la Svizra. Era quai spera Zollinger da pudair midar en l'avegnir cun carmalar dapli giasts da l’exteriur. En mira haja el en in emprim pass l’Engalterra ed ils Stadis Unids da l'America. En in segund pass veglia Zollinger lura rinforzar la reclama en ils pajais da Benelux e da la Scandinavia.
Partenadi cun club da golf
Da nov datti er in partenadi cun il club da golf d’Alvagni. «Quest partenadi è in exempel perfetg per pudair porscher a noss giasts ina plivalur supplementara ed il medem mument augmentar l'attractivitad da l'entira regiun», declera Zollinger. In’auter partenadi ha l'hotel cun il Parc Ela. A partir da l'enviern proxim administrescha l'Hotel Jufa en pli 12 abitaziuns da vacanzas visavi da l'hotel. I sa tracta d'ina construcziun nova cun segundas ed emprimas abitaziuns.