Las lavurs dal hotel da trais stailas superiur s'avanzan tenor plan, il mument vegnan fatgas las lavurs dal equipament interiur. I vegn a dar 72 chombras cun bler lain. Dasper ina gronda ustaria publica, il hotel cumpiglia er ina zona da wellness, ina stanza da fitness, locals da seminaris ed in’infrastructura per uffants.
Per la JUFA Hotels (Jugend- und Familienhotels), è quai l’emprim hotel che la chadaina da hotels maina en Svizra. Gerhard Wendl, il fundatur e manader da fatschenta dals JUFA Hotels, è led da pudair fitgar pè en Svizra. Or da l’experientscha dad autras averturas da hotels quinta el cun ina bun’entschatta a Savognin.
Radund 7’000 fin 10’000 persunas pernotteschian mintgamai en in nov hotel, perquai ch’els enconuschian gia la chadaina a da hotels, ha Wendl ditg.
-
Bild 1 von 3Legenda: Gerhard Wendl, il fundatur e manader da fatschenta da la JUFA hotels. Federico Belotti -
Bild 2 von 3Legenda: Las lavurs stattan curt avant la fin. Federico Belotti
-
Bild 3 von 3Legenda: Il pli nov hotel da Savognin sa chatta en il quartier Grava. Federico Belotti