Savognin - 38 abitaziuns novas èn prontas

Sco quai che Shaqir Rrahmanaj da la BSR Bau da Glaruna ha ditg, vegli'ins proximamain lantschar in’offensiva da reclama pli gronda per dar a fit las abitaziuns che sajan prontas a partir dal prim da november. La finamira saja, d’occupar aifer in onn tut las abitaziuns e studios. Ins saja acutalmain er en discurs cun la vischnanca da Surses per guardar, sch’ins possia era dar a tschains abitaziuns a glieud che n’haja betg en il Surses las scrittiras. Quai pretendess dentant in concept per abitaziuns administradas, ha ditg Rrahmanaj.

La firma BSR Bau AG è vegnida fundada avant passa 20 onns dals frars Shaqir e Besim Rrahmanaj. Tenor atgnas infurmaziuns construescha, administrescha ed è la firma involvida tar 500-750 abitaziuns l'onn.