Spazi d'abitar per persunal stagiunal è stgars. A Savognin construescha la firma BSR Bau AG dal chantun Glaruna duas chasas da persunal cun 42 abitaziuns, 30 da quellas èn studios cun ina surfatscha da 22 meters quadrat. Tenor Bafti Rrahmanaj èn las chasas da tschintg auzadas dentant betg propi chasas da persunal sco ch'el ha ditg envers RTR, dentant duessan ellas er esser ina purschida supplementara per ina regiun turistica. Las abitaziuns vegn la firma a gestiunar sez – uschia vegna tut or d'in maun. La firma è vegnida fundada avant passa 20 onns dals frars Shaqir e Besim Rrahmanaj. Tenor atgnas infurmaziuns construescha, administrescha ed è la firma involvida tar 500-750 abitaziuns l'onn.
En in onn èn las abitaziuns prontas
Il plazzal è pront
-
Bild 1 von 3Legenda: Tut è pront per trair si ils mirs Qua vegnan a star en in onn dus chasas cun oravant tut studios RTR
-
Bild 2 von 3Legenda: Stgavament da las duas chasas da personal RTR
-
Bild 3 von 3Legenda: A l'ur dal guaud e da Savognin vegnan dus chasas da personal Nua che auter fan vacanzas vegnan dus chasas da persunal cun 42 abitaziuns – oravant tut studios RTR
Per Bafti Rrahmanj èsi cler – en in onn èn las abitaziuns prontas. L'unica dumonda saja sche la naiv lubeschia da tegnair en ils termins – quai saja er per els ina nova situaziun. Da gestiunar sez las abitaziuns, cun quai hajan els dentant experientschas, per exempel cun in hotel construì e gestiunà sez a Näfels.