Gia l'atun 2021 duain l'engrondiment da l'hotel e la sanaziun da la Tgesa Alva cuntinuar. Fin uss ha Origen investà radund 7 milliuns francs en il salvament e la sanaziuns dals dus bajetgs istorics.
L'atun cuntinueschan las lavurs
Anc avant dus onns era tut auter. Per pudair eliminar la stretga dals Mulegns sin la via dal Güglia ha la Tgesa Alva stuì guntgir. Ella è lura vegnida spustada per 5,5 meters. La substanza da l'hotel «Löwe» a Mulegns ha duvrà sanaziuns urgentas, per ch’il bajetg possia vegnir spendrà. Tut quai ha la Nova fundaziun Origen inizià cun ses project «Spendrar Mulegns» – quai cun agid dal chantun Grischun, la vischnanca Surses e bleras fundaziuns sco era persunas privatas.