La substanza dal hotel «Löwe» a Mulegns dovra lavurs urgentas, per ch’il bajetg po vegnir spendrà. Uschia ha infurmà la Nova Fundaziun Origen en las localitads da l'hotel a Mulegns. Cunzunt lavurs vi dal tetg ston vegnir fatgas, per impedir ch'aua possia vegnir en. Era duai l’entir inventari e l’architectura interna vegnir documentada.
Fin la fin da l'onn 2020 vul Origen nizzegiar intensiv il hotel per exposiziuns e per occurrenzas culturalas. Suenter la renovaziun duai il bajetg lura era puspè servir sco hotel. La finanziaziun da l’entir project n’è dentant anc betg garantida, ha ditg Giovanni Netzer d’Origen.
-
Bild 1 von 10. L'hotel «Löwe» a Mulegns circumdà da las chasas dal vitg. Bildquelle: RTR, Federico Belotti.
-
Bild 2 von 10. La Fundaziun Nova Origen preschenta ils cudeschs vegls da l'hotel «Löwe». Bildquelle: RTR, Federico Belotti.
-
Bild 3 von 10. L'ustiera dal hotel Löwe Donata Willi, l'intendant da Origen Giovanni Netzer e Basil Vollenweider (da sanester). Bildquelle: RTR, Federico Belotti.
-
Bild 4 von 10. La recepziun da l'hotel «Löwe» a Mulegns. Bildquelle: RTR, Federico Belotti.
-
Bild 5 von 10. La recepziun da l'hotel cun ina sala davostiers. Bildquelle: RTR, Federico Belotti.
-
Bild 6 von 10. La sala gronda da l'hotel «Löwe». Bildquelle: RTR, Federico Belotti.
-
Bild 7 von 10. La sala blaua en l'hotel. Bildquelle: RTR, Federico Belotti.
-
Bild 8 von 10. Ina da las chombras da l'hotel. Bildquelle: RTR, Federico Belotti.
-
Bild 9 von 10. Ina pigna veglia che tegna era gist l'isch. Bildquelle: RTR, Federico Belotti.
-
Bild 10 von 10. Dus bigls en chombra, in luxus. Bildquelle: RTR, Federico Belotti.
Lavur da persvasiun è necessaria
La Nova Fundaziun Origen spera uss da pudair persvader partenaris politics, fundaziuns pli grondas ma era privats d'investir en il mantegniment da l’hotel «Löwe». L'hotel è vegnì construì l’onn 1872 en connex cun l'impurtanta lingia da charrotschas da posta tranter Cuira e l‘Engiadin’Ota.
L'hotel è vegnì construì durant il temp da piunier dal turissem en il Grischun ed è uschia ina perditga autentica da quest temp. Perquai ha l'hotel era ina muntada per la Tgira da monuments chantunala. Las lavurs da renovaziun ed il stan actual da l'hotel duain vegnir documentads.
L'hotel «Löwe» ha adina puspè fatschentà
L'hotel «Löwe» ha adina puspè fatschentà
RR actualitad 17:00