4 da 5 persunas en il Grischun Central èn da l'opiniun ch'i vegn intermedià dapli savida davart natira e cultura dapi ch'il Parc Ela è en funcziun. Quai resulta dad in'enquista betg represchentativa da la ZHAW, la Scol'auta per scienzas applitgadas da Turitg. 70% èn da l'opiniun che la purschida culturala saja pli vasta e che la regiun saja pli enconuschenta grazia al Parc Ela ch'i dat dapi il 2012.
Il manader da fatschenta Dieter Müller sa mussa cuntent cun ils resultats da la retschertga. I dettia però vinavant puncts per meglierar. Uschia haja mintga 5avel dumandà inditgà, ch'il Parc Ela na fetschia pauc fin nagut davart mobilitad ed energia.
