La festa d’avertura è stada da vesair sur in livestream. A la festa d’avertura è era stà preschent il star-cuschinier Andreas Caminada. El ha tranter auter raquintà avart ses project cultural culinaric a Farschno/Fürstenau.
Avert a partir da dumengia
Il hotel Liun a Mulegns avra uffizialmain a partir dals 6 da zercladur. Averta è l’ustaria da l'hotel, e chombras ch’han tuttas differents stils pon vegnir contempladas. Pernottar duess esser pussaivel a partir da la primavaira dal 2022. Sco quai che Giovanni Netzer, il possessur dal hotel ed intendant da Origen, ha ditg sajan ins actualmain anc vi da rimnar daners per pudair cumenzar cun la renovaziun da las chombras a partir da l’atun. Renovada duai era vegnir la cuschina da l'hotel.
Era la Villa Alva avra
La dumengia avra era la Villa Alva dasperas l'hotel Liun. Davant la villa duai dar in café en il liber. En l’avegnir duess la Villa Alva daventar in museum, che raquinta dals pastiziers Grischuns ch'èn ids ora en il mund a far carriera, ed èn pli tard per part puspè returnads en lur patria.
-
Bild 1 von 12. L'intendant da Origen Giovanni Netzer e Donata Willi, l'anteriura possessura ed ustiera dal hotel Liun. Bildquelle: Federico Belotti.
-
Bild 2 von 12. Isabelle Chassot, la directura da l'uffizi federal da cultura, cun il minister da cultura Jon Domenic Parolini (amez) e Martin Leuthold, il dissegnader da tailas. Bildquelle: Federico Belotti.
-
Bild 3 von 12. A l'avertura dal hotel è stada preschenta era Isabelle Schassot, la directura da l'uffizi federal da cultura. Bildquelle: Federico Belotti.
-
Bild 4 von 12. In dals pleds ha era tegnì Christian J. Jenni, il president communal da San Murezzan. Bildquelle: RTR, Federico Belotti.
-
Bild 5 von 12. Blera prominenza è stada envidada a l'avetura dal hotel Liun. Bildquelle: Federico Belotti.
-
Bild 6 von 12. En la Tges'Alva ch'è era en possess da Origen datti en l'avegnir in museum. Bildquelle: Federico Belotti.
-
Bild 7 von 12. Il Hotel Liun splendurescha en ina nova colur. Bildquelle: Federico Belotti.
-
Bild 8 von 12. La plazza davant la Tges'Alva è vegnida fatga da nov. Bildquelle: Federico Belotti.
-
Bild 9 von 12. Margrit ed Adolf Poltera èn ils vischins dal hotel Liun, ed els èn cuntents ch'il hotel avra puspè. Bildquelle: Federico Belotti.
-
Bild 10 von 12. Sin il palantschin è anc da chattar quest maletg antic. Bildquelle: Federico Belotti.
-
Bild 11 von 12. Ina da las chombras dal hotel Liun. Bildquelle: Federico Belotti.
-
Bild 12 von 12. Ina da las chombras dal hotel Liun. Bildquelle: Federico Belotti.