Legenda:
L'istoricher Basil Vollenweiger ha anc il quint da la Villa Alva.
RTR, Federico Belotti
cuntegn
Mulegns - Villa Alva è vegnida bajegiada d’in pastizier fortunà
L’onn 1856 èn stadas a fin las lavurs da construcziun da la Villa Alva. Quella è vegnida construida da l’architect renumà da Bordeaux J. B. Lafargue, per il Surmiran Jean Antoine Jegher. Quel ha gì success cun ses cafés da renum a Bordeaux.
Jean Antoine Jegher, u Gion Jegher – n’aveva nagina dunna e nagins agens uffants. Tuttina è la chasa enfin avant curt anc stada abitada d’ina famiglia Jegher, descendents dal pastizier fortunà. La construcziun da la Villa Alva ha custà da ses temp radund 29’000 francs. Sco congual: Quels onns gudagnava in famegl en il Surses radund 130 francs ad onn. Oz è la Villa Alva en possess dal festival cultural Origen. Tranter auter vegn el a duvrar la villa sco museum.
Legenda:
Il quint final da la Villa Alva.
RTR, Federico Belotti
