Lai - Blera glieud, però betg uschè blers osps sco usità

La fin d’emna da bell’aura giauda blera glieud las temperaturas miaivlas a Lai. Il termometer mussa set grads. Igl è in bel enviern, ma i manca la naiv, spezialmain per il passlung. I saja grev da preparar cunzunt la pista classica sin la loipa, di la vendidra dals pass per la loipa.

Las duas emnas actualas èn normalmain las meglras per il turissem en Grischun. Ma er sch’igl ha glieud a Lai, na sajan quai betg uschè blers sco usità. Sondas cun bell'aura quinta las pendicularas da Lai/Arosa normalmain cun 20’000 fin 25’000 persunas, uss sajan dentant be 16’000 fin 18’000 osps al lieu.