Legenda:
La tur sin il Pass dal Güglia ils 26 da fanadur.
RTR, Federico Belotti
cuntegn
Grischun Central - La tur sin il Güglia plascha a la glieud
La tur da Babilonia da l’intendant da Origen Giovanni Netzer plascha a la glieud. Tut las persunas che RTR ha dumandà, èn fascinadas da la tur. Glindesdi è l’inauguraziun da la tur da teater en preschientscha dal cusseglier federal Alain Berset.
Legenda:
Durant las lavurs da construcziun en l'intern dal bajetg.
RTR, Federico Belotti
Sco quai che Enrico Uffer da la Uffer SA ch’è responsabla per la construcziun dal bajetg ha ditg, ston anc vegnir finidas las davosas lavurs en l’intern dal bajetg. Ins saja exact en il plan da termins.
A partir dals trais d’avust èn planisadas pliras preschentaziuns en il rom dal festival da teater Origen. Perquai che tut las preschentaziuns èn gia vendidas ora, datti il glindesdi ils set d'avust ina preschentaziun supplementara.
