Per il pli aut grischun, Michael Pfäffli, che ha er gidà tar l’emprima badigliada, è il project d’ina tur da 30 meters autezza insatge spezial che vegnia a colliar anc dapli las differentas regiuns dad ina e da l’autra vart dal pass dal Güglia.
Plans ambizius
Gia per la fin da fanadur 2017 duai la tur da lain esser pronta. La construcziun che vegn montada sin ina soletta, cuntegna grondas fanestras da loscha e duai colliar la natira e la cultura. L’aura vegnia ad esser la pli gronda sfida ha declerà Enrico Uffer da l’interpresa Uffer, che è incumbensada cun la part en lain da la tur.
-
Bild 1 von 9Legenda: La tur da teater cotschna entamez la natira. mad -
Bild 2 von 9Legenda: Il palc per ils artists cun glisch che po entrar tras numerusas fanestras da loscha. mad
-
Bild 3 von 9Legenda: Vista da sur en giu en la tur cotschna sin il Güglia. mad
-
Bild 4 von 9Legenda: Montascha da la tur cotschna dad Origen entamez la natira. mad
-
Bild 5 von 9Legenda: La tur dad Origen al plazzal da la tur sin il pass dal Güglia. RTR, Anna Caprez
-
Bild 6 von 9Legenda: Sisum il pass, ma en la plievgia: Giovanni Netzer, l’intendant dad Origen, cun il model da sia tur. RTR, David Truttmann
-
Bild 7 von 9Legenda: L'emprima badigliada per il project. Michael Pfäffli, Giovanni Netzer e Leo Thomann. RTR, Anna Caprez
-
Bild 8 von 9Legenda: Cun dus autos da posta èn vegnids transportads ils giasts a l’emprima badigliada dal bajetg spectacular. RTR, David Truttmann
-
Bild 9 von 9Legenda: La fotografia obligata per entschaiver a construir – l’emprima badigliada da la tur dad Origen RTR, David Truttmann
La finanziaziun da l’emprima etappa da construcziun da 2,2 miu francs è garantida. Per la segunda etappa, ch’avess da succeder l’atun, è Origen anc a la tschertga da raps en l’autezza da radund 600’000 francs. Sin la stad stat però la tur, ils 31 da fanadur 2017 è planisada la premiera da l’opera «Apocalypse» da Gion Antoni Derungs – en preschientscha da cusseglier federal Alain Berset.
RR actualitad 07:00