Ils 12 ed ils 19 da zercladur datti anc duas infurmaziuns publicas a Donat. Il tema da l’emprima saira è l’agricultura. Sco quai che Andreas Heggendorn, il president dal project da fusiun, ha ditg envers RTR, saja el levgià, che las mesiras en connex cun il coronavirus sajan vegnidas schluccadas. Uschia possia ins manar tras questa primavaira sco planisà las radunanzas communalas che decidan davart il project da fusiun.
Sche tut las quatter vischnancas dian gea a la fusiun, èsi planisà che quella va en vigur il prim da schaner 2021.