Di dal mund digital - Pli effizient grazia ad in roboter
La firma Uffer SA a Savognin, ch’è spezialisada sin la fabricaziun da bajetgs da modul, ha mess en funcziun ses emprim roboter. Quel surpiglia ina gronda part da las lavurs che vegnivan pli baud fatgas a maun. Cun il roboter daventa la producziun pli effizienta.
Legenda:
Urs Hefti da la Uffer SA davant il nov roboter.
RTR, Federico Belotti
2 / 4
Legenda:
Vista sin il computer e da maun dretg la zona da producziun, nua ch'il roboter po cursar.
RTR, Federico Belotti
3 / 4
Legenda:
Il roboter en acziun.
RTR, Federico Belotti
4 / 4
Legenda:
Il roboter sa chatta en la halla da fabricaziun da maun dretg.
RTR, Federico Belotti
audio
Mezdi: In roboter per l'elavuraziun da laina
02:31 min, ord Actualitad dals 21.11.2017.
laschar ir. Durada: 2 minutas 31 Secundas.
Sco quai che Urs Hefti, il manader da projects da la Uffer SA, ha ditg envers RTR, lavuria il roboter cun ina fitg gronda exactadad. El possia cursar sin ina rodera da producziun da 54 meters lunghezza e far quasi tut las lavurs che vegnivan enfin oz fatgas a maun.
I na saja però betg l’intent da spargnar persunal, cun l’agid dal roboter daventian ins simplamain pli effizient. Plinavant saja pussaivel da far lavurs che na sajan enfin oz betg stadas pussaivlas da far sezs. Il mument vegnia il persunal anc scolà, il pli tard a partir da l’onn proxim duai il nov roboter esser en funcziun cun la capacitad cumplaina.