Brinzauls - L'altar da Brinzauls è restaurà e turnà a chasa

L'altar istoric da la baselgia da son Calixtus da Brinzauls è puspè a chasa. En matg era el vegnì evacuà ensemen cun la populaziun pervi dal privel d'ina bova. Avant il return è el vegnì restaurà a Berna da radund in tozzel experts ed expertas da la Scola auta d'art. Sco che la vischnanca d'Alvra scriva, saja l'altar da 500 onns ussa puspè en ses lieu.

La restauraziun è era stada ina sfida finanziala. Quella custia passa 100'000 francs, ha ditg il tgirader da monuments dal Grischun, Simon Berger. Dus terzs vegnian finanziads dal chantun, da la Confederaziun e da la baselgia catolica dal Grischun. Sco possessura da l’altar sto la plaiv da Brinzauls finanziar il rest. Quella è actualmain anc a la tschertga da donaziuns.

Impressiuns da la restauraziun tras studentas e students