Sco quai che Andreas Lenz, il manader da fatschenta da la Kieswerk Bovas SA da Lai ha ditg, hajan las lavurs da demolir la construcziun da lain funcziunà tenor plan. Sco proxim vegnia ina firma spezialisada lura anc a far lavurs en il plaun sut, per allontanar parts ch'èn vegnidas construidas cun asbest. Suenter vegnia tut il material lura definitiv transportà davent ed il lieu, nua che la stalla era, vegnia renaturada.
Possessur è levgià
Il possessur da la stalla, Daniel Capitani, ha ditg ch’el saja levgìa, che tut saja fin ussa ì senza incaps. Ma i saja schon trist da vesair a svanir sia stalla, ch’el haja ils davos diesch onns pudì nizzegiar per ses hobi, ils oldtimers. Sco pitschna regurdientscha veglia el far ina plazza da grillar dasper l’anteriura stalla, in lieu che duai esser accessibel era a la publicitad.
Donn total pervi dal «rutsch»
La stalla a Brinzauls è ina da trais bajetgs, che vegnan destruids questa stad pervi d’in donn total. Perquai ch'il terren a Brinzauls sa mova per dapli ch'in meter ad onn, datti gronds donns vi da chasas e stallas a Brinzauls. Experts èn il mument vi dad examinar, co ch'ins pudess drenar la muntogna per stabilisar la bova. Ils geologs quintan che aua en la muntogna chaschunia ils gronds moviments dal terren.
-
Bild 1 von 11. La stalla è istorgia. Bildquelle: RTR, Federico Belotti.
-
Bild 2 von 11. La stalla ha gì ina vista vers il Piz Forbesch en il Surses. Bildquelle: RTR, Federico Belotti.
-
Bild 3 von 11. Ils davos diesch onns na vegniva la stalla betg pli duvrada per l'agricultura. Bildquelle: RTR, Federico Belotti.
-
Bild 4 von 11. Qua han las lavurs pir entschet. Bildquelle: RTR, Federico Belotti.
-
Bild 5 von 11. Tut ha funcziunà tenor plan. Bildquelle: RTR, Federico Belotti.
-
Bild 6 von 11. Durant il demolir la stalla. Bildquelle: RTR, Federico Belotti.
-
Bild 7 von 11. la stalla è betg pli da duvrar. Bildquelle: RTR, Federico Belotti.
-
Bild 8 von 11. La stalla è vegnida demolida en in pau dapli ch'in'ura. Bildquelle: RTR, Federico Belotti.
-
Bild 9 von 11. Ina firma da Lai ha destruì la stalla. Bildquelle: RTR, Federico Belotti.
-
Bild 10 von 11. La stalla demolida cun vista vers la muntogna ch'è en moviment. Bildquelle: RTR, Federico Belotti.
-
Bild 11 von 11. Ils donns en l'intern da la stalla èn gronds. Bildquelle: RTR, Federico Belotti.