Bova Brinzauls - Emprimas immobiglias vegnan sbuvadas pervi da donn total
Questa stad vegnan sbuvadas a Brinzauls ina stalla ed ina chasa d’abitadi. Quai pervi dals gronds donns ch’igl ha dà perquai che la terra è ferm en moviment.
8 / 29
Legenda:
Qua devan pli baud vatgas latg.
RTR, Federico Belotti
9 / 29
Legenda:
Quai capita sch'il terren sa mova per dapli ch'in meter ad onn.
RTR, Federico Belotti
10 / 29
Legenda:
Pitgas da lain stabiliseschan la stalla instabila.
RTR, Federico Belotti
11 / 29
Legenda:
La stalla è dals onns 1980.
RTR, Federico Belotti
12 / 29
Legenda:
Qua è nagin pli che fa fain.
RTR, Federico Belotti
13 / 29
Legenda:
Qua na stuess normalmain betg entrar glisch.
RTR, Federico Belotti
14 / 29
Legenda:
La stalla è vegnida a la fin da sia vita.
RTR, Federico Belotti
15 / 29
Legenda:
La stalla è vegnida a la fin da sia vita.
RTR, Federico Belotti
16 / 29
Legenda:
Destruida vegn era la pitschna garascha da maun dretg.
RTR, Federico Belotti
17 / 29
Legenda:
Il tetg è per part gia davent.
RTR, Federico Belotti
18 / 29
Legenda:
Enfin avant in onn han ils pumpiers da Albula/Alvra anc nizzegià la garascha.
RTR, Federico Belotti
19 / 29
Legenda:
La statica da quest bajetg n'è betg pli buna.
RTR, Federico Belotti
20 / 29
Legenda:
L'isch da questa garascha sa lascha strusch pli avrir perquai che tut è tort.
RTR, Federico Belotti
21 / 29
Legenda:
Dapertut hai fessas.
RTR, Federico Belotti
22 / 29
Legenda:
Quest clavà vegn classifitgà da l'Assicuranza d'edifezis dal Grischun sco donn total.
RTR, Federico Belotti
23 / 29
Legenda:
Ils donns vi da la stalla èn fitg gronds.
RTR, Federico Belotti
24 / 29
Legenda:
La stalla n'è gnanc uschè veglia, ella è vegnida construida ils onns 80.
RTR, Federico Belotti
25 / 29
Legenda:
Senza pilasters fiss la stalla forsa gia crudada ensemen.
RTR, Federico Belotti
26 / 29
Legenda:
Adina puspè vegn crappa gronda giu sin ils prads da Brinzauls.
RTR, Federico Belotti
27 / 29
Legenda:
Gia dapi decennis è era il clutger da la baselgia tort pervi dals moviments en la terra.
RTR, Federico Belotti
28 / 29
Legenda:
Il chavaterra è pront per destruir la stalla ch'ha in donn total.
RTR, Federico Belotti
29 / 29
Legenda:
Markus Feltscher, directur Assicuranza d'edifizis dal Grischun.
RTR, Federico Belotti
Ils dus possessurs da las immobiglias survegnan in'indemnisaziun da l’Assicuranza d’edifizis dal Grischun, e quai malgrà che las immobiglias na fissan atgnamain gnanc stadas assicuradas. In dals pertutgads è Daniel Capitani che posseda ina stalla a Brinzauls cun in donn total. Enfin avant in onn nizzegiava el la stalla anc per ses hobi: Ensemen cun amis reparava el là oldtimers. Pervi dal donn total vegnia la stalla destruida ils 13 da fanadur.
Cura che jau hai cumprà la stalla avant set onns, hai jau laschà far in’analisa geologica, e là n’era betg d’imaginar ch'ils moviments en la terra s’augmentian uschè ferm mo in pèr onns pli tard .
audio
Brinzauls: Exempel d'in pertutgà che perda ses bajetg
02:51 min, ord Actualitad dals 09.07.2020.
laschar ir. Durada: 2 minutas 51 Secundas.
Daners grazia a nova lescha
Dapi l’emprim d’avrigl 2019 datti ina nova pratica tar l’Assicuranza d’edifizis dal Grischun: Sch’in bajetg vegn donnegià perquai ch’il terren ruschna permanentamain, è quai da nov curclà entras l’assicuranza. Pli baud eran ils bajetgs assicurads be en cas d’in sbuvaditsch spontan.
Donn total gia avant lescha nova
audio
Brinzauls: Assicuranza da bajetgs finanziescha bajetgs che vegnan spazzads
03:05 min, ord Actualitad dals 09.07.2020.
laschar ir. Durada: 3 minutas 5 Secundas.
Las duas immobiglias che vegnan sbuvadas proximamain a Brinzauls pervi d’in donn total, han gia gì in donn total avant che la nova lescha è ida en vigur. Perquai n’avessan ils possessurs da quellas immobiglias betg il dretg sin in'indemnisaziun da l’assicuranza d’edifizis. Tuttina han ins chattà ina soluziun per la possessura ed il possessur:
Las immobiglias han gia gì in donn total avant che la lescha è ida en vigur, perquai avain nus ditg ch’i na po betg esser, che quels paucs bajetgs pertutgads crodan tranter maisa e sutgas. Uschia avain nus tschertgà ina soluziun ch’era quels survegnan in'indemnisaziun.
Grazia ad in fondo d’agid urgent da la cassa da donns elementars, haja la regenza approvà quella soluziun. Sco quai che Feltscher ha ditg, sajan questas summas en il rom da la nova lescha che segirescha era donns totals tar sbuvaditschs plauns.
