Ils plans per ina Baselgia d’autostrada èn vegnids preschentads l’emprima giada avant trais onns e mez. Pli tard ha la vischnanca d’Andeer approvà cun gronda maioritad il dretg da construcziun da la baselgia cun in parcadi circa 300 meters dasper la baselgia. Sco quai che Martin Cantieni, il vicepresident dal cussegl da fundaziun Baselgia d’autostrada Andeer ha ditg envers RTR, haja ins survegnì sustegn da las baselgias chantunalas e dal chantun. Cun in mez milliun francs saja gartegià da finanziar la planisaziun da la baselgia.
-
Bild 1 von 3Legenda: Quest model da la baselgia planisada è vegnì installà questa stad ad Andeer. RTR -
Bild 2 von 3Legenda: Quest model da la baselgia planisada è vegnì installà questa stad ad Andeer. RTR
-
Bild 3 von 3Legenda: Quest model da la baselgia planisada è vegnì installà questa stad ad Andeer. RTR
Il biro d’architectura Herzog & de Meuron fa sia lavur senza da far gudogn. Jacques Herzog, l'archtiect cun renum mundial, di davart il project: «Igl è in pitschen project e nus essan in biro grond cun fitg bleras autras lavurs. E la lavur che nus avain qua è atgnamain pli fitg in process pensiv. E nus na vulain betg survegnir qua daners.»
Mai animescha il project fitg, perquai ch'jau chat el fitg interessant.
Atgnamain avessan ils iniziants gia vulì construir l’onn 2022 la baselgia. Malgrà il retard crajan els anc adina che la baselgia possia vegnir construida. In exact plan da termins possia ins per il mument però betg anc preschentar.
Martin Cantieni, il vicepresident dal cussegl da fundaziun, di: «Nus avain pers bler temp cun corona perquai ch’i n’è betg stà pussaivel da prender si contact cun blers mecens. Ma uss’avain nus fatg novas visualisaziuns, er per dar in nov stumpel a quel project, e nus essan anc adina positivs che nus reussin da rimnar ils daners per quest project grondius.»
La finamira dals iniziants è ussa da garantir la finanziaziun, uschia ch'il nov termin per l'emprima badigliada è previs per il 2025.