-
Bild 1 von 4Legenda: Il president communal Hans Andrea Fontana declera il project. RTR, Federico Belotti -
Bild 2 von 4Legenda: Il president communal d'Andeer Hans Andrea Fontana è era en la cuminanza d'interess da la baselgia d'autostrada. RTR, Federico Belotti
-
Bild 3 von 4Legenda: Peider Ganzoni presidiescha la cuminanza d'interess da la baselgia d'autostrada. RTR, Federico Belotti
-
Bild 4 von 4Legenda: Il plevant d'Andeer Jens Köhre è led da la decisiun da la radunanza communala. RTR, Federico Belotti
Il dretg da construcziun vala per 99 onns e sco tschains sto la fundaziun pajar in franc simbolic ad onn. Per construir la baselgia dovri anc il consentiment da l'Uffizi federal da traffic, quel haja gia ditg ch'el saja pront da metter a disposiziun il terren ch'è necessari per construir la baselgia, scrivan ils iniziants en ina communicaziun.
La baselgia vegn planisada dal biro d’architectura Herzog & de Meuron, ch’ha gia preschentà ils plans il favrer. La baselgia consista or da 4 paraids rectangularas ed en il plaun sutterran èn planisadas trais chapluttas. La fundaziun ha peda enfin la fin dal 2024 da finanziar il project che vegn budgetà cun 8 fin 10 milliuns francs.