L'autostrada A13 è durant fin d'emnas cun bler traffic savens surchargiada. Per evitar ch'automobilists guntgeschan tras il vitgs per lung da l'autostrada, ha il chantun instradà differentas mesiras sco serrar entradas da vitg. Sper questas mesiras a curta vista tschertga l'Uffizi federal da vias uss er soluziuns a lunga vista per distgargiar parts da l'A13, declera Thomas Rohrbach, da l'Uffizi federal da vias Astra.
Las mesiras dal chantun èn impurtantas ma pon er betg schlargiar l'infrastructura e striunar nà vias.
Studi duai mussar tge ch'è pussaivel
Finamira dal studi è da chattar soluziuns pussaivlas a lunga vista. Il studi cuzza enfin il 2026 - durant quest temp vegn examinà tge che pussaivel pertutgant topografia, finanziaziun, protecziun da l'ambient etc. Ils resultats van lura suenter en il program da svilup per las vias naziunalas, pia ston anc vegnir approvadas dal parlament a Berna.
