Giuvaulta/Rothenbrunnen - Perfuraziun per la gallaria da segirtad dal tunnel Isla Bella

Sin l’autostrada A13 datiers da Giuvaulta/Rothenbrunnen han cumenzà las lavurs da perfuraziun per la gallaria da segirtad dal tunnel Isla Bella, ha communitgà l’Uffizi federal da vias. Per augmentar la segirezza stoppia l’entir tunnel vegnir modernisà. Latiers tutgia er la construcziun d’ina gallaria da segirtad d'ina lunghezza da 2,5 kilometers. La construcziun da questa gallaria n’haja nagina influenza sin la circulaziun dal traffic. Ils custs da l’entir project èn calculads cun radund 50 milliuns francs.