L’acziun da geniturs e convischins da Zernez da ramassar suttascripziuns cunter la decisiun dal cussegl da scola, da far nagins tests da corona en la scola a Zernez, ha gì success. Perquai ch’il giavisch da far tests facultativs en scola saja grond, ha il cussegl da scola numnadamain decis ier ad ina seduta extraordinaria da tuttina dar glisch verda per ils tests facultativs en scola. Quai scriva il cussegl da scola en ina communicaziun.
audio
Zernez: Tests en scola – uss tuttina
ord Actualitad dals 08.04.2021.
laschar ir. Durada: 2 minutas 28 Secundas.
Cura che la scola da Zernez vegn alura effectivamain ad introducir ils tests facultativs, n'è actualmain anc betg enconuschent. Enfin là vegnian ils scolars e las scolaras da la 5 e 6avla classa a stuair purtar enavant la mascrina en scola.
