La vischnanca da Val Müstair metta a disposiziun la «Chasa Plaz», l’anteriur albiert da giuventetgna, a fugitivs da l’Ucraina, quai davent dal zercladur da quest’onn. Ils 4 da matg è previs ina saira d’infurmaziun, scriva la vischnanca en in invit. Tranter auter vegn Georg Carl da l’Uffizi per migraziun e dretg civil dal chantun a dar ulteriuras explicaziuns.
La «Chasa Plaz» ha 47 letgs ed è en possess da la vischnanca. Enfin l’enviern passà è ella stada en la rait dals Albierts da giuventetgna svizzers – l’organisaziun ha dentant desditg il contract da fittanza perquai ch’ins stuess sanar la chasa.
