En il territori da skis Ischgl/Samignun valan per la proxima stagiun da skis las reglas da 3G. Vul dir: Sco per hotels ed ustarias ston sportistas e sportists era esser guarids, vaccinads u testads per pudair far diever da las pendicularas u dals runals. Questas reglas valan per tut las persunas a partir da 12 onns.
Medemas reglas
Las duas societads partenarias Silvretta SA e Samignun SA èn sa cunvegnidas d'introducir tant da la vart austriacca sco er da la vart svizras las medemas reglas. Supplementarmain pretenda la vart austriacca mascras da FFP2 en cabinas e sutgeras ch'ins po cuvierer.
Ord l'archiv:
En Svizra n'ha la Confederaziun per il mument betg decidì in obligatori da certificat per las pendicularas. Il Cussegl federal fa dentant dependent quai da la situaziun epidemiologica.
