Suenter in emna en nov dachasa - «Cuntentischma na, cuntenta gea»

Ils emprims abitants e las emprimas abitantas èn dapli set dis en la nova chasa da San Murezzan. Er il café sin l'emprima auzada è gia s'emplenì cun vita. La decoraziun festiva en chasa vegn er installada. Ma anc n'è betg tut sco ch'i stuess esser.

Chaussas pitschnas n’èn betg mo perfetgas  

Suenter quels paucs dis che la chasa è abitada èn difficultads inizialas dentant normal, di Seraina Trepp, tgirunza en la chasa da tgira. Quellas vegnian però successivamain schliadas. Las abitantas ed ils abitants paran dad esser cuntents, agiunta Trepp. Quai conferma er Maria Monegatti-Costa, ina da las emprimas abitantas.

Las proximas emnas duai er il rest da las stanzas vacantas vegnir emplenidas cun vita. Ils abitants e las abitantas pon lura s'acclimatisar en lur nov dachasa a San Murezzan.