Cun 170 meters lunghezza, 22 meters largezza e bundant 7 meters autezza è la mesapipa gronda. Tenor ils responsabels da la Corvatsch SA è la mesapipa vegnida fabritgada aposta en il terren e betg sin il terren – quai grazia ad ina collavuraziun cun las organisaziuns da protecziun da l’ambient.
-
Bild 1 von 10. Il plazzal da la mesa pipa durant la stad. Bildquelle: Corvatsch SA.
-
Bild 2 von 10. Atlets ed atletas en acziun en la mesapipa. Bildquelle: Corvatsch SA/Fabian Gattlen.
-
Bild 3 von 10. La mesapipa en fabrica. Bildquelle: Corvatsch SA/Fabian Gattlen.
-
Bild 4 von 10. La fabricaziun da la mesapipa. Bildquelle: Corvatsch SA/Fabian Gattlen.
-
Bild 5 von 10. La fabricaziun da la mesapipa. Bildquelle: Corvatsch SA/Fabian Gattlen.
-
Bild 6 von 10. Atlets ed atletas en acziun en la mesapipa. Bildquelle: Corvatsch SA/Matt McHattie.
-
Bild 7 von 10. Paolo La Fata, manader da la scola da skis FRISK. Bildquelle: RTR.
-
Bild 8 von 10. Daniel Bosshard, cusseglier d'administraziun da la Corvatsch SA e president communal da Silvaplauna. Bildquelle: RTR.
-
Bild 9 von 10. Il plazzal da la mesapipa durant la stad. Bildquelle: Corvatsch SA.
-
Bild 10 von 10. Il plazzal da la mesapipa durant la stad. Bildquelle: Corvatsch SA.
Auts custs per il fabricat
Bajegiar en las regiuns autalpinas ha custà circa 4,8 milliuns francs. Surtut las lavurs da construcziun bassa hajan chaschunà auts custs, uschè la Corvatsch SA en sia communicaziun. Ins possia dentant quintar en l’avegnir cun expensas bler pli bassas durant l’enviern per la construcziun e mantegniment da la mesapipa, damai ch’i dovria era damain naiv producida artifizialmain. Perquai che la furma da la halfpipe saja gia avant maun, dovri pli paucas uras da lavur per umens e per maschinas.
Spierta da trenament e cumpetiziun
En vista als campiunadis mundials da Freestyle 2025, mancan a questa mesapipa dentant anc 10 meters lunghezza per correspunder a las pretaisas da la FIS. Tenor Daniel Bosshard, cusseglier d'administraziun da la Corvatsch SA, sajan ils responsabels da buna speranza che quella part vegnia cuntanschida fin lura.
La mesapipa è in object d’exercizi per ils atlets e las atletas, surtut per filar vi da lur abilitads ed auzar quellas sin in nov livel. Era duai questa mesapipa sin il Corvatsch esser accessibla per in e mintgina, quai ordaifer ils temps dad events e champs da trenament, uschia ha ditg Daniel Bosshard a la festa d'avertura.