Maximalmain 40 participantas e participants dastgan sa participar mintg’onn a l’emna «A Sent be rumantsch». Suenter dus dis da publicaziun è la purschida gia vendida ora, uschè Clà Rauch, in dals organisaturs.
Tschintg manadras e manaders d’instrucziun mainan tras l’emna da rumantsch durant il mais november. Enfin avant la pandemia da corona abitavan las participantas e participants tar famiglias indigenas, ma l’interess per dar alloschi è sa diminuì. Oz abitan els en cuminanzas d’abitar.
Els motiveschan uschia anc dapli in l'auter da discurrer propi mo rumantsch.
Per Cristina Gregori èsi enorm impurtant che tut las participantas e participants discurran intensivamain in cun l’auter ed era cun ils indigens. La grammatica stat main en il focus. Las participantas e participants vegnan da l'exteriur e da la Svizra, ina part èn possessuras e possessurs da segundas abitaziuns.
