Amez ina cuntrada brina ha la vischnanca da San Murezzan preparà ina loipa da var dus kilometers e mez. Grazia a la metoda da snowfarming han ins pia lantschà la fin d’emna passada la stagiun da passlung.
Segunda vita per la naiv
9’000 meters cubics naiv da l’onn passà ha la vischnanca conservà durant ils mais da stad sut ina vetta da protecziun da stalizzas finas. La finala èn restads var 6’000 meters cubics, e quels han ins uss pudì duvrar per preparar la loipa. En congual cun la metoda da preparar ina loipa cun naiv artifiziala – possia la vischnanca spargnar cun la varianta dal snowfarming oravant tut forza electrica. Quai ha declerà il vicepresident da San Murezzan Reto Matossi. La naiv per il snowfarming vegn numnadamain producida dadurant ils mais fraids, cura ch’i dovra pli pauc energia ed aua per la producziun.
