Karl Jenal succeda a Walter Zegg sco president da Samignun. El ha survegnì 178 da 316 vuschs valaivlas ed è cunquai vegnì elegì cun 56% da las vuschs sco nov president communal. Gia tar l'emprim scrutini la fin october aveva Karl Jenal fatg las pli bleras vuschs. Part da la suprastanza fa Jenal dapi onns.
Respect da la sfida
La elecziun muntia en emprima lingia in gronda sfida, uschia il novelegì Karl Jenal envers RTR. Gist actualmain saja d'avair respect da surpigliar in tal uffzi a la testa d'ina regiun ch'è pertutgada ferm da la pandemia.
Il cuntracandidat e vicepresident en uffizi, Clà Davaz ha survegnì 117 vuschs (37% da las vuschs valaivlas). Ulteriuras vuschs han diversas persunas obtegnì.
Il president en uffizi, Walter Zegg, aveva decis da betg pli candidar. Dapi il 1976 è el adina puspè stà activ en la politica Samignun, pliras giadas sco president.
