Tar la votaziun per in nov president communal per la vischnanca da Samignun n'ha nagin candidat survegnì la maioritad absoluta. Las pli bleras vuschs han retschavì Karl Jenal cun 99 e Clà Davaz cun 94 vuschs, plinavant ha retschavì Viktor Prinz 17 ed ulteriurs 34 vuschs. Il president communal actual, Walter Zegg ha decis da pli candidar per la perioda d’uffizi 2022 – 2024.
Per las tschintg plazzas vacantas dal cussegl communal è be Renè Carnot vegnì elegi cun 147 vuschs. Per ils nov posts da la suprastanza communala ins ha chattà tut ils candidats. Quai èn Daniel Högger, Viktor Prinz, Thomas Jenal, Ralf Heis, Pascal Jenal, Thomas Zegg, Eduard Jenal, Maurizio Norinelli-Jenal e Martin Valsecchi.
Il segund scrutini per il presidi da la vischnanca, ha lieu ils 28 da november.