L'hotel istoric Scaletta a S-chanf duai puspè vegnir avert suenter ina renovaziun cumplessiva la stagiun d'enviern 25/26. Cun 39 stanzas attractivas, in restaurant per indigens e giasts sco er cun ina sala pitschna duai l'hotel puspè dar nova vita al vitg suenter in'absenza da passa 10 onns.
La fundaziun Scaletta S-chanf ha l'intent d'acquistar l'hotel Scaletta e da transfurmar quel cun ina sanaziun structurala en in hotel che funcziuna a moda persistenta cun in manaschi da restauraziun, da garantir a lunga vista l'existenza da la chasa e da mantegnair quest lieu d'inscunter.
-
Bild 1 von 8Legenda: Visualisaziun da sala da mangiar che duai vegnir cumbinada cun art. maaars Architektur Visualisierungen GmbH -
Bild 2 von 8Legenda: Fotografia veglia mussa il lieu central da l'hotel cun la plazza avant chasa. archiv Fundaziun Scaletta
-
Bild 3 von 8Legenda: L'hotel Scaletta è vegnì furma ord duas veglias chasas engiadinaisas. archiv Fundaziun Scaletta.
-
Bild 4 von 8Legenda: La substanza vegl sco questa stiva, vulan ils iniziants sche pussibel mantegnair. Fundaziun Scaletta
-
Bild 5 von 8Legenda: Ina visualisaziun en furma d'in tagl tras l'Hotel Scaletta a S-chanf sco ch'el è oz. Fundaziun Scaletta.
-
Bild 6 von 8Legenda: Mengia Mathis fa dapi curt er part al cussegl da fundaziun. RTR
-
Bild 7 von 8Legenda: Herbert Schmid, il president da la Fundaziun Scaletta S-chanf. RTR
-
Bild 8 von 8Legenda: Il salid dal president communal da S-chanf, Riet Campell, è vegnì via messadi da video. RTR
Il project da 15,5 milliuns francs vegn sustegnì generusamain da la vischnanca da S-chanf, da l'Agid svizzer per la muntogna, dal chantun Grischun sco era da differentas fundaziuns e da privats. A la Fundaziun Scaletta S-chanf mancan anc var 1,5 milliuns francs agen chapital per che quest project da structura possia vegnir lantschà. Sper in'acziun da crowdfunding han ils iniziants uss lantschà in'ulteriura ideja per vegnir ad ulteriurs raps. Quai cun porscher ina sort dividenda en furma da pernottaziuns, ha declerà il president da la fundaziun, Herbert Schmid.
Ils responsabels han la finamira da rimnar questa summa fin la fin da l'onn per pudair cumenzar a bajegiar l'avrigl 2024 e reavrir l'hotel l'atun dal 2026.
Or da l'archiv: